Andrea Kjeld hevur nú fyri aðru ferð prýtt uppgongdina í FK í Hoyvík við sínum málningum, og hesir kunnu síggjast her uppi tær komandi vikurnar.
Hon hevur fingist við at mála í fleiri ár, og hon hevði sína fyrstu framsýning í Atelier Gráastein í Saltnesi í 2017.
Hetta er so aðru ferð, at málningarnir hjá Andreu Kjeld eru at síggja í FK í Hoyvík, har teir prýða trappuuppgongdina.
Málningarnir fara helst at hanga tað, ið eftir er av hesum árinum.
- Hetta er ikki beinleiðis ein søluframsýning, men hava fólk áhuga í onkrum málningi, eru tey vælkomin at venda sær til mín – antin á tlf. 219087 – ella á andrea.kjeld@icloud.com
Motivini hjá Andreu Kjeld eru eitt nú kvinnur, børn og landsløg, men tað er einki yvir at dylja, at mest afturvendandi motivini eru einglarnir.
- Eg elski at mála einglar, og einglarnir eru mínir hjartamálningar, sigur hon.
Andrea Kjeld leggur aftrat, at fólk eru hugtikin av málningunum - ikki minst, har einglarnir eru høvuðsmotivið.
- Eg havi málað nógvar ymiskar málningar, men eg haldi meg tora at siga, at mest eftirspurdu málningarnir hjá mær eru einglarnir, leggur hon aftrat.
##med2##
##med3##
##med4##
##med5##
##med6##
