Tað var góður sangur á bryggjuni í Nólsoy í gjárkvøldið, tá fólk, sum ætlaðu sær til Havnar við Ternuni um 23.30-tíðina, bíðaðu eftir at sleppa umborð.
Fólk vóru úti á bryggjuni í Nólsoy í góðari tíð og fyri at halda hitanum, meðan bíðað varð eftir næstu rutu, skar fjøldin út í at syngja.
Lagið var sera gott, og sangurin rungaði.
Tey, sum bíðaðu á bryggjuni í Nólsoy, sóu, at ein hópur av fólki, serliga ungdómum, komu úr Havn og út til Nólsoyar í hesi somu rutu.
Sangurin, sum hevði verið á bryggjuni, helt fram, tá komið varð umborð í Ternuna., og tað var skjótt, at fólk umborð eisini tóku saman hendur og fóru at dansa føroyskan dans.
Hetta gjørdist ein sera hugnalig løta, har lagið á øllum var av tí allar besta. Tað er ikki á hvørjum sinni, at føroyskur dansur er umborð í Ternuni.
Tað kann næstan bara henda á ovastevnu!
##med2##
##med3##
##med4##
##med5##
##med6##
##med7##
