Fyri einum tíma síðani, um átta tíðina í morgun, fekk løgreglan boð um, at ein bilur var farin út av á Oyggjarvegnum.
Bilurin var á veg úr Havnini og var á veg vestur eftir, men tað var krapi á vegnum og tískil misti bilførarin tamarhaldið á bilinum. Tað endaði við, at hann fór á glið, bóltaði rút og fór einar átta metrar út av vegnum.
Løgreglan sigur, at bilførarin, sum var einsamallur í bilinum, sat væl spentur í trygdartbeltinum og tey eru vís í, at tað er tí, at hann er sloppin so væl frá óhappinum.
Hann var førdur á Landssjúkrahúsið til kanningar, men at síggja til var einki í vegin, sigur løgreglan.
Hesa tíðina er tað ikki loyvt at koyra við summardekkum, tá ið vandi er fyri hálku, men løgreglan sigur, at bilurin var skøddur eftir forskriftunum.
