Audi hevði ein vøkstur upp á yvir fýra prosent í fjør. Týska Audi bilverksmiðjan kundi við árskiftið notera sær tað 13. metárið á rað og náddi fyri fyrstu ferð at selja yvir eina millión bilar.
Tað svarar til ein vøkstur upp á 4,1 prosent í mun til 2007.
Sambært Audi er orsøkin bilar sum tann nýggi Audi Q5 og nýggjasta útgávan av Audi A4, sum hava gjørt útslagið.
Eisini í Danmark hevði Audi eitt metár við einum vøkstri upp á 4,8 prosent í mun til 2007.
