Seinnapartin eru fýra dystir í sætta umfari. Tann fimti var í gjár, tá ið B36 vann trivaligan og sannførandi 4-0 heimasigur á ÍF.
Skálamenn eru á veg til Sørvágs, har setningurin er at vinna stig og at skora fyrsta málið í hesum kappingarárinum. 07 Vestur hevur tvær tær seinastu ferðirnar verið á útivølli, har tað er eydnast at vinna fulla úrtøku og at halda tætt í verjupartinum.
Í Suðuroy er spenningurin øgiliga stórur. Toppliðið fær vitjan av NSÍ, sum fyri viku síðani vann fyri fyrstu ferð í hesum kappingarárinum – 1-0 á heimavølli ímóti HB.
HB fær vitjan av meistarunum í Víkingi, sum framvegis ikki hava tapt. Fyri viku síðani endaði tað 2-2 á heimavølli ímóti KÍ.
Klaksvíkingar fáa vitjan av uppflytarunum í EB/Streymi, sum hava fleiri ferðir hava víst fínt fótbóltsspæl. Fyri viku síðani var tað stórt vónbrot, tá ið tað við Margáir endaði við 2-0 tapi ímóti 07 Vestur.
KÍ hevur higartil spælt tvær ferðir á heimavølli. Í báðum førum endaði tað javnt – 0-0 ímóti Skála og 2-2 ímóti NSÍ.
KÍ-EB/Streymur: Kári J. á Høvdanum kl. 15.00
07 Vestur-Skála: Alex Troleis kl. 15.00
HB-Víkingur: Lars Müller kl. 15.00
TB/FCS/Royn-Víkingur: Petur Reinert kl. 14.30
Í gjár
B36-ÍF 4-0 (4-0)
1-0: Patrik Johannesen 10.
2-0: Benjamin Heinesen 30.
3-0: sjálvmál 37.
4-0: Benjamin Heinesen 45.
Dómari: Rúni Gaardbo
B36: Tórður Thomsen - Erlendur Magnussen, Andrias H. Eriksen, Odmar Færø, Gestur B. Dam - Róaldur Jakobsen (Alex Mellemgaard, 46.), Eli Falkvard Nielsen (Jóhan Eiler Simonsen, 77.) - Benjamin Heinesen, Christian R. Mouritsen, Jógvan Skeel Nolsøen (Gilli Samuelsen, 64.) - Patrik Johannesen,
Gult kort: eingin
Venjari: Jákup á Borg
ÍF: Henrik Jensen - Dánjal Pauli Højgaard (Fritleif í Lambanum, 62.), Jákup Andrias Gaardbo, Ndende, Alex José dos Santos - Kristoffur Jakobsen, Bogi Reinert Petersen (Sámal Jákup Joensen, 62.) -Andy Ó. Olsen, Niels Pauli Danielsen (Sámal Joensen, 84.), Ari Ó. Ellingsgaard - Jóhan Petersen
Gult kort: Ari Ó. Ellingsgaard, Alex José dos Santos, Dánjal Pauli Højgaard, Ndende Adama Guéye, Jákup Andrias Gaardbo, Fritleif í Lambanum
Venjari: Jákup Mikkelsen
Støðan
Suðringar 12 stig
Víkingur 11 stig
B36 7 stig
KÍ 7 stig
HB 6 stig
NSÍ 6 stig
07 Vestur 6 stig
ÍF 5 stig
EB/Streymur 4 stig
Skála 3 stig
