Fyrrverandi forsetin í Suðurafrika, Nelson Mandela, hevur tað nógv betri nú og er við at koma fyri seg. Tað upplýsir eitt av abbabørnum hansara.
Hann er nógv batnaður, ger framstig alla tíðina og sær gott út, sigur abbasonurin, Mandla Mandela, um abban, sum í eina viku hevur verið innlagdur.
94 ára gamli Nelson Mandela hevur havt álvarsligar lungnatrupulleikar, og eitt skifti var støðan sera álvarslig, men nú gongur so aftur rætta vegin.
