Løgmaður ætlar at taka øll fiskiloyvi frá umstrídda garnaskipinum, Anitu.

Tað boðar hann frá beint nú.

Hann sigur, at hann ætlar at taka aftur øll veiðu- og fiskiloyvi frá skipinum, fyribils til dómur í er dømdur í revismálinum ímóti Anitu.

 

Áðrenn hendan avgerð verður tikin, hevur P/f Seta høvi til at seta fram síni sjónarmið.

Reiðaríið hevur freist til mikudagin 3. september at koma við viðmerkingum til avgerðina hjá Løgmansskrivstovuni.

- Tá ið revsidómur er dømdur, verður málið um afturtøku av veiðu- og fiskiloyvum hjá fiskifarinum Anitu tikið uppaftur til endaliga avgerð, sigur løgmaður.

Seinastu tíðina hevur alsamt økt trýst verið á myndugleikarnar um at taka fiskiloyvið frá Anitu, eitt nú hava øll trý manningarfeløgini heitt á løgmann um at taka loyvini frá Anitu.