Kirkjuliga Missiónsfelagið hevur síðan í fýratiárunum útgivið álmanakkan á hvørjum ári. Endamálið við álmanakkanum er at boða Guds orð og at fáa pening til vega til missiónsarbeiði.
Umframt vanligar álmanakkaupplýsingar eru bíbliuørindi til hvønn gerandisdag og prædiku tekstir í fólkakirkjuni til sunnu- og halgidagarnar.
Vinningurin av sølu av álmanakkanum fer óskerdur til missiónsarbeiðið hjá Kirkjuliga Missiónsfelagnum í Føroyum, Etiopia, Tanzania og Kina.
