Fyri stuttum skipaði Liverpool Føroyar fyri einari uppboðssølu av fýra troyggjum hjá Liverpool legenduni, Jamie Carragher.
Avrátt var, at tann innkomni peningurin skuldi fara til barnadeildina á Landssjúkrahúsinum.
Í dag handaði John Dam, næstformaður í Liverpool Føroyum deildarleiðaranum, Rúnu Wardum kekkin, sum fegnaðist stórliga um gávuna. Rúna sigur, at kekkurin fer at verða væl brúktur til børnini á Landssjúkrahúsinum.
Undir myndini ber til at hoyra eitt prát við John Dam og Rúnu Wardum.
