So skjótt tú sigur Annika Hoydal, so fara minnini á rull, og her tosa vit um góð minnir.
- Og nú kanst tú uppliva livandi legenduna afturvið gleði og nostalgi á Reinsarínum.
Á Reinsarínum vísa tey á, at Annika hevur ferðast kring sólina 77 ferðir, og á ferðini hevur hon vunnið hjørtuni hjá føroyingum.
Við síni guddómligu rødd leggur hon lív og sál í hvønn tóna. Nakað, sum ger hennara sangir tíðarleysar og autentiskar.
- Annika Hoydal er longu ein varði í føroyskum tónleikahøpi, og um nakar megnar at fanga áskoðarafjøldina, so er tað just hon.
Tað verður hugnin og góða ljóðið á Reinsarínum, sum verður karmur um konsertina.
- Tú fært bæði gamlar klassikarar og løg av nýggju útgávuni “Leysir Endar”, tá Annika traðkar á pallin.
Á Reinsarínum lova tey, at hetta verður eitt gandakent kvøld, sum verður fult av sjarmu og nostalgi.
- Ja, eitt ógloymandi kvøld, sum bara Annika Hoydal kann geva tær, verður lagt aftrat.
Konsertin á Reinsarínum við Anniku Hoydal verður leygarkvøldið hin 18. november.
