Álitini handað løgmanni

Uttanlandsnevndin hevur við skrivi, dagfest 25. januar, fingið upprit frá landsstýrinum um samráðingar við donsku ríkisstjórnina um rættarstøðu Føroya. Í skrivinum verður boðað frá, at landsstýrið hevur stevnt donsku ríkisstjórnini til samráðingar um rættarstøðu Føroya, og vil landsstýrið, samsvarandi stýrisskipan Føroya, ráðføra seg

við uttanlandsnevndina í hesum sambandi.

Uttanlandsnevndin hevur havt eina røð av fundum, har málið hevur verið viðgjørt, millum annað hevur landsstýrið verið inni og greitt frá og umrøtt einstøku partarnar í uppritinum umframt svarað spurningum.

Nevndin hevur undir viðgerðini av málinum býtt seg í tríggjar minnilutar.