Innlendismálaráðið minnir í lýsing frá, at valevnislistarnir skulu vera formanninum í valnevndini í hendi í seinasta lagi 15. Oktober 2011 klokkan 18.
Valevnislistin skal verða latin inn av einum umboði fyri flokkin ella stillara.
Gjøllari reglur um valevnislistar eru ásettar í §§ 17-18 í løgtingsvallógini
Í løgtingsvallógini er m.a. ásett:
at ein valevnislisti ikki má hava fleiri enn 43 valevni
at valevnini skulu vera lýst við navni, p-tali, starvi og bústaði
at nøvnini á valevnunum verða sett í bókstavarøð
at valevnislistin skal vera undirskrivaður av valevnunum, góðkendur av einum flokki, sum hevur rætt at luttaka í valinum ella undirskrivaður av í minsta lagi 400 og í mesta lagi 450 veljarum sum stillarum
at hjálagdur skal vera serligur listi yvir stillararnar, har teir eru skilliga lýstir við navni, føðingardegi, bústaði, dagfesting og undirskrift
at ongin má stilla upp á meira enn einum valevnislista
at ongin kann vera stillari fyri meira enn ein valevnislista
