Sayed Baqer, landsliðsspælari hjá asiatiska landlnum, Bahrain hevur fingið eitt langt leikbann uppá 10 landsdystir fyri rasistiskan atburð undir einum HM-undankappingardysti.
Sayed Baqer var fangaður á einum upptøkutóli, har hann gjørdi "skeiv eygu" móti áskoðarunum hjá Hong Kong í einum HM-undankappingardysti, ið var spældur 14. november.
FIFA hevur sligið hart niður á atburðin hjá Sayed Baqer, og umframt eitt leikbann uppá 10 landsdystir skal Sayed Baqer eisini rinda eina bót, ið svarar til 206.000 krónur í okkara peningi.
Í juli í ár boðaði FIFA frá, at FIFA fór framyvir at revsa allan rasistiskan atburð við einum leikbanni uppá í minsta lagi 10 dystir.
