Landslið í Klaksvík og Vestmanna

Fýra dystir í summarkappingini í hondbólti eru á skránni í dag. Sí klokkutíðir niðanfyri.

Úrvalsliðið hjá monnum - mannað við millum øðrum Nicholasi Satchwell - bjóðar Neistanum av í Havn. Neistin verður eisini uttan eitt nú Trónd Mikkelsen, ið er toppskjútti í kappingini við tíggju málum fyri Neistan og tíggju málum fyri U20-landsliðið. Í dag verður hann við U20-landsliðnum, sum bjóðar VÍF av í Vestmanna.

H71 og Kyndil spæla eisini í Hoyvík. H71 hevur ongan Hilmar Leon Jakobsen, ið spælir við besta liðnum hjá HB í dag.

Hjá kvinnum var ein dystur í gjár, tá ið Neistin vann 26-20 á VB í Vági.

Í dag er einasti dystur í Klaksvík. Har vitjar U16-landsliðið Stjørnuna.

H71- og Kyndilskvinnur skuldu spæla í Hoyvík í dag, men tann dysturin er avlýstur.

Hjá liðunum, ið fara á vøllin í dag, er talan um annað umfar av trimum. Bólkavinnararnir eftir trý umfør spæla finalu næsta leygardag.

Skráin og støðan í dag:

SMS-Summarkappingin:

Klokkan 15.00 Stjørnan - U16-landsliðið (KÍ-Høllin)

Støðan í SMS-summarkappingini (hsf.fo):

Bólkur 1:

Bólkur 2

Okkara-Summarkappingin

Klokkan 14.00: Neistin - Úrvalsliðið (Høllin á Hálsi)

Klokkan 15.00: VÍF - U20-landsliðið (Ítrottarhøllin í Vestmanna)

Klokkan 16.00: Kyndil - H71

Støðan í Okkara-Summarkappingini (hsf.fo)

Bólkur 1:

Bólkur 2: