Tað skrivar FSF í dag.
Eftir ætlan skuldu fjórðingsfinalurnar í kappingini um Løgmanssteypið verðið spældar leygardagin 21. november.
Men kappingarnevndin hjá Fótbóltssambandi Føroya hevur avgjørt at útseta fjórðingsfinalurnar til mikudagin 25. november. Orsøkin er koronareglurnar, ið raka føroyska landsliðsspælararnar.
Í morgin (týsdagin 17. novemver) spælir U21-landsliðið í Kasakstan og A-landsliðið á Malta. Bæði liðini verða aftur í Føroyum mikudagin.
Mælt verður til, at allir fara í heimauppihald meðan bíðað verður eftir svarunum frá koronakanningunum, ið skulu gerast dag 0 (á heimkomuni) og dag 2 (fríggjadagin 20. november).
