Kunnu vinna 50.000 krónur

Tann, sum dugir mest at skriva um, hvussu tað er at vera føroyingur nú á døgum, kann vinna 50.00 krónur.

Teir fýra bókahandlarnir í Føroyum, H.N.Jacobsens bókhandil í Havn, Bókabúðin í Runavík, Alfa Bókhandil í Klaksvík og Rit & Rák í Havn bjóða nú føroyingum at vera við í einari kapping um at skriva eina nýggja skaldsøgu

- Skaldsøgan skal í høvuðsheitum viðgera mál í dagsins samfelag og vera um, hvat tað vil siga at búgva í Føroyum beint nú. Søgan kann hava røtur longur aftur í tíðina, um tað hevur týdning fyri søguna, siga fyrireikararnir.
 

Skaldsøgan skal vera á føroyskum og hon skal vera minst 150 síður við 2.000 teknum á hvørjari síðu, tá ið millumrúmini eru tald við og hon skal verða skrivað á teldu

Talan skal vera um eina skaldsøgu sum ikki hevur verið givin út og síðsta freist at lata skaldsøguna inn er 1. september.

Tann, sum skrivar tað bestu søguna, vinnur 50.000 krónur, og so verður hann kunngjørdur á bokadegnum 21. november

Men dómararnir kunnu eisini koma til ta niðurstøðu, at ein skal fáa vinningin, siga fyrireikararnir.