Kringvarpið
Rógvi Nybo
rogvi@sosialurin.fo
Tað hevur seinastu tíðina ljóðað at stjórin í Krinvarp Føroya, Annika Mittún Jacobsen, skal hava tikið avgerð um at fara úr starvi sínum sum kringvarpsstjóri.
Seinasta vikuskifti tóku tveir týðandi persónar í Kringvarpinum seg úr starvinum, nevniliga Allan Dalsgarð, leiðari á Miðladeildini, og Signar í Homrum, ið er lýsingasamskipari í Kringvarp Føroya.
Síðan tá hava leysatíðindi verið um at kringvarpsstjórin, Annika Mittún Jacobsen, eisini skal vera á veg úr starvinum, men sjálv avsannar hon hetta.
Er tað rætt, at tú ert á veg úr starvinum sum kringvarpsstjóri?
- Nei. Tað er tað ikki. Eg trívist væl, og so leingi Kringvarpið verður debatterað, er tað bara gott, sigur Annika Mittún Jacobsen, stjóri í Kringvarp Føroya.
