Donsk skúlabørn krevja betri skúlar og betri frálærutilfar Í gjár og í dag hava fleiri túsund donsk skúlabørn lagt skúlagongdina niður fyri at mótmæla, at skúlarnir eru í ringum standi, og at frálærutilfarið er ótíðarhóskandi.
Í gjár mótmæltu næmingarnir í fleiri býum í Jyllandi. Í dag breiddu mótmælini seg til aðrar partar av landinum, og í Keypmannahavn mótmæltu umleið 10.000 næmingar uttan fyri Christiansborg.
Sjónvarpsmyndir í gjárkvøldið vístu, at nógvir skúlar eru í vánaligum standi, og at skúlar framvegis brúka kort av Evropa við Berlinmúrinum og Jarntjaldinum.
