Beint eftir klokkan átta í gárkvøldið fekk løgreglan boð um, at eitt ferðsluóhapp var hent uppi á Hoyvíksvegnum.
Tá ið løgreglan kemur á staðið, varnast tey, at bilførarin er ávirkaður av rúsdrekka, men tíbetur var tað bara ein peli, sum stóð í vegin og ikki eitt fólk.
Tveir mans vóru í bilinum og teir fóru báðir á Landssjúkrahúsið til kanningar og blóðroynd er eisini tikin av bilføraranum fyri at staðfesta, hvussu ávirkaður hann var.
Men hann spælir sær so av við koyrikortið - og tað var betri at hann rendi á ein pela enn at hann rendi á eitt fólk.
