Tvey gomul hús í Avhaldsbrekkuni á Húsabrúgv í Havn eru nú burtur.
Tíðliga í morgun møttu lastbilar við grabba at ríva húsini niður. Talan er um tey bæði gomlu, reyðu húsini, sum eru samanbygd, og sum eru seinastu húsini, sum eftir vóru av teimum, sum stóðu í Avhaldsbrekkuni. Húsini verða nevnd hja Koltursannu og hja Adolfi.
Fyri eini tríati árum síðani varð gamla Avhaldshúsið tikið niður. Har bygdi Hotel Hafnia vaskarí. Nú hesi bæði húsini eru niðurtikin, verður nýggjur bygningur í trimum hæddum bygdur á staðnum, sum skal hýsa hotelkømrum hjá Hotel Hafnia.
