Leygardagin og sunnudagin verður Klaksvíkskappingin í fótbólti.
Skráin fyri Klaksvíkskappingina er hendan:
Leygardagin 25. februar:
Kl. 13.00: Víkingur-B36
Kl. 15.30: KÍ-NSÍ
Sunnudagin 26. februar:
Kl. 13.00: Dystur um 3. plássið
Kl. 15.30: Finalan
Tummas Lervig, formaður í KÍ staðfestir, at spenningurin um Klaksvíkskappingini hevur sjáldan verið størri norðuri í Klaksvík. Undanfarnu árini hevur KÍ verið við, sum eitt miðallið í bestu deildini frá undanfarna kappingarárinum, men hesaferð kappast KÍ, sum eitt av Topp-4 liðunum frá undanfarna kappingarárinum.
Bæði leygardagin og sunnudagin kunnu fólk keypa atgongumerki til báðar dystirnar fyri 80 krónur. Í KÍ-høllini verða eisini veitingar til tey, sum treingja til ein heitan munn ella okkurt ábit.
TRÝST á PÍLIN undir MYNDINI, og hoyr eitt prát við Tummas Lervig um Klaksvíkskappingini, sum fer at geva nakrar ábendingar um hvussu topp-4 liðini í effodeildini í fjør eru væl fyri.
Hæddarpunkt frá øllum fýra dystunum verða at síggja á in.fo hetta vikuskiftið.
