Jupiter, sum hendan túrin hevur roynt við nót, fór at sigla til Noregs seinnapartin í dag.
Teir hava 550 tons av sild, sum teir fingu í trimum køstum, tað er góð sild, støddin er um 350 gram.
Prísurin teir fáa í Ellingsøy er 3,97 NOK fyri kilo.
Tað er júst ein vika í dag, siðan Jupiter fór av Fuglafirði.
Teir verða væntandi inni í Norra á middegi í morgin. Tað er gott veður á leiðini har teir eru.
