Tað var jugoslaviska loyniløgreglan Udba, sum bað um morðið á svenska forsætisráðharran, Olof Palme, fyri 25 árum síðan. Tað sigur ein, sum áður arbeiddi fyri jugoslavisku fregnartænastuna við týska tíðarritið, Focus.
Nýggju upplýsingarnir eru komnir fram undir eini avhoyring av Vinko Sindicic, sum týski ríkisadvokaturin og kriminalløgreglan í Bayern stóðu fyri.
Sambært 67 ára gamla Sindicic lúrdu jugoslaviskir agentar eftir Palme alt samdøgnið, áðrenn hann varð skotin og myrdur.
Sjálvt drápið skal sambært tíðarritinum Focus vera framt av einum leigudrápsmanni, sum í dag er 65 ára gamal og býr í Zagreb í Kroatia.
