Nýggi maðurin er leirvíkingurin, Jógvan Júst Olsen, sum í nógv ár starvaðist hjá IRF í Leirvík.
Í Eysturkommunu siga tey, at rakstrarleiðarin undir leiðslu av tekniska leiðaranum hevur ábyrgd av at leggja til rættis, samskipa og leiða arbeiðið hjá arbeiðsbólkunum.
- Rakstrarleiðarin skal eisini tryggja, at arbeiðini verða framd innan ásettar karmar.
Lagt verður aftrat, at høvuðsábyrgdarøkini hjá rakstrarleiðaranum eru drekki- og spillvatn, vegir og gøtur, bygningar, fríøki og fríðkan, ítróttarøki og spælipláss, maskinur og amboð.
