Tá amerikanski forsetin, Joe Biden, var til heilsukanning fyrr í ár, varð ein biopsi tikin av einum sári ella merki í bringuni.
Í februar í ár varð hetta skorið burtur, og sambært lívlæknanum hjá honum, Kevin O'Connor, vístu kanningar, at her var krabbi.
Tíðindastovan ABC veit at siga, at talan var um húðkrabba ella "basalcellekarsinom", sum tað verður kallað.
- Allur krabbavevnaðurin er tikin, og Joe Biden nýtist ikki aðra viðgerð í hesum sambandi, sigur læknin.
Sagt verður um krabbaslagið, sum Joe Biden er skorin fyri, at talan er um húðkrabba, sum ikki er móðurmerkjakrabbi.