Í kvøld var føroyingauppgerð leikt í bestu donsku hondbóltsdeildini hjá kvinnum.
Í BIOCIRC Arena høllini í Viborg eydnaðist tað Janu Mittún og liðfeløgunum í Viborg at vinna 28-24 á Pernille Brandenborg og hennara liðfeløgum í Keypmannahavn. Í steðginum var heimaliðið á odda við tveimum málum, 13-11.
Jana skoraði tvey mál, legði upp til trý mál (assist) og vann liðnum trý brotskøst. Jana hevur í 20 dystum lagt upp til 83 mál, ið er tað næstmesta í deildini.
Við sigrinum liggur Viborg væl fyri at enda millum fimm tey ovastu liðini í grundspælinum. Viborg og Keypmannahavn hava seks dystir eftir at spæla í grundspælinum.
Støðan:
| Nr. | Lið: | Dystir | Stig |
|---|---|---|---|
| 1 | Odense | 19 | 38 |
| 2 | Ikast-Herning | 19 | 34 |
| 3 | Team Esbjerg | 19 | 32 |
| 4 | Nykøbing-Falster | 19 | 27 |
| 5 | Viborg | 20 | 26 |
| 6 | Keypmannahavn | 20 | 22 |
| 7 | Sønderjyske | 19 | 19 |
| 8 | Silkeborg-Voel | 19 | 12 |
| 9 | Aarhus Håndbold | 19 | 12 |
| 10 | Horsens | 19 | 12 |
| 11 | Bjerringbro | 19 | 10 |
| 12 | Ringkøbing | 19 | 9 |
| 13 | Skanderborg | 19 | 9 |
| 14 | EH Aalborg | 19 | 6 |
