5-mannafør dreingir: Undan finaluróðrinum stóð tað púra javnt millum Royndina Fríðu úr Vági og Jallin hjá Róðrarfelagnum Knørri.
Royndin Fríða legði sera væl fyri, men tað var skjótt, at Jallurin fór at røra upp á seg. Jallurin vann fyri fyrstu ferð á Fjarðastevnu, og Jallurin vann aftur í dag, og tað var sera sannførandi. Fram við Molanum legði Jallurin seg eina heila bátslongd framum Royndina Fríðu, sum var í harðari kapping um næstfremsta plássið við Havfrúnna og Drekan.
Í endaspurtinum gekk tað, sum tað ofta hevur gjørt í summar. Royndin Fríða át seg stútt og støðugt inn á Jallin, men tað munaði ov lítið, og fjarstøðan var ov stór, og tí fór Jallurin fyrstur um málið, og harvið vann báturin hjá Knørrafelagnum FM heitið.
1 Jallurin 04:33.05
2 Royndin Fríða 04:34.15
3 Drekin 04:36.03
4 Havfrúgvin 04:37.20
5 Blikur 04:38.20
6 Teistin 04:39.14
7 Erla Kongsdóttir 04:40.20
8 Sílið 04:40.20
9 Fípan Fagra 04:41.15
10 Pílur 04:45.17
11 Firvaldur 04:46.15
12 Sandingur 04:48.00
13 Svanur 04:48.18
14 Tjógvin 04:56.18
Endaliga støðan
1 Jallurin 39
2 Royndin Fríða 38
3 Blikur 32
4 Drekin 28
5 Havfrúgvin 23
6 Sílið 13
7 Erla Kongsdóttir 12
8 Teistin 6
9 Frúgvin 5
10 Pílur 1
11 Fípan Fagra 0
12 Firvaldur 0
13 Sandingur 0
14 Svanur 0
15 Tjógvin 0
