Ísraelska fótbóltslandsliðið sum skal spæla fýra EM-undankappingardystir innanfyri níggju dagar má spæla tveir heimadystir í Ungarn, hetta orsaka av ótryggu støðuni í Ísrael.
Orsaka av yvirgangsálopinum og krígnum móti Hamas mátti UEFA útseta tveir EM-undankappingardystir hjá Ísrael fyri trimum vikum síðani.
Talan var um ein útidyst móti Kosovo, og ein heimadyst móti Sveis.
Nú hevur UEFA tikið avgerð um, at Ísrael spælir útsettu dystirnar á útivølli móti Kosovo 12. november og heimadystin í Ungarn móti Sveis 15. november.
Harumframt má Ísrael spæla spæla ein heimadyst móti Rumenia í Ungarn 18. november, og ein útidyst móti Andorra 21. november.
Ísrael hevur enn møguleika at røkka tveimum teimum ovastu plássunum í undanbólki I.
Støðan:
1. Rumenia 8 dystir 16 stig
2. Sveis 7 dystir 15 stig
3. Ísrael 6 dystir 11 stig
4. Kosovo 7 dystir 7 stig
5. Belarus 8 dystir 6 stig
6. Andorra 8 dystir 2 stig
