Eftir kríggj í Gazageiranum í tvey ár, sigur Ísrael nú, at Gaza er ikki nøkur hóttan móti Ísrael meira.
Tað sigur ísraelska stjórnin sambært norska kringvarpinum, NRK.
- Vit vilja eisini syrgja fyri, at Hamas ikki sleppur at stýra Gazageiranum aftur, leggur Ísrael aftrat.
Ein stórur partur av Gazageiranum liggur í knúsi, eftir álop og bardagar í tvey samfull ár.
Hetta er eitt øki, sum er minni enn Streymoyggin, men her búgva ístaðin umleið tvær milliónir fólk.
Kríggið hevur kostað fólkinum í Gazageiranum dýrt, bæði í mistum mannalívum og lagnum.
