Tað var seinnapartin í gjár, at eitt íshelli við Breiðamerkurjökull rapaði, meðan nøkur fólk vóru inni í hellinum.
Av teimum, sum vórðu bjargð úr ísleivdunum, høvdu tvey fólk fingið álvarsligar løstir, harav annað av hesum hevur latið lív.
Hin persónurin, sum varð bjargaður úr leivdunum, er sambært íslendskum miðlum í morgun ikki í lívsvanda longur.
Tvey fólk, sum vóru inni í hellinum, tá tað rapaði, eru framvegis ikki komin afturíaftur.
Í morgun veit Morgunblaðið at siga, at tilsamans 70 fólk eru við í leitingini, men umstøðurnar eru truplar.
- Vit gera alt, vit kunnu, sigur talsmaðurin hjá íslendsku løgregluni, Sveinn Kristján Rúnarsson.
Sagt verður, at íshellið við Breiðamerkurjökull rapaði, meðan 25 ferðafólk vóru um hesar leiðir.
