Tíðindamiðilin Axios veit í dag at siga, at Iran hevur skotið seks rakettir eftir amerikanskum herstøðum í Katar.
Hetta upplýsa ísraelskar keldu yvirfyri Axios.
Iranski herurin sigur seg hava lopið á Al Udeid-støðina í Katar, oyðileggjandi og máttmikið, sum tikið verður til.
Lagt verður aftrat, at hetta er partur av einari hernaðaratsókn.
Iran sigur, at landið undir ongum umstøðum fer at lata eitt álop á iranskt øki standa ósvarað.
- Hvítu Húsini og verjumálaráðið í USA eru greið yvir og fylgja neyvt við hóttanum móti Al Udeid-flogvøllinum, siga høgtstandandi embætisfólk í USA.
Sameindu Arabisku Emiratini fylgja eisini neyvt við gongdini og meta leypandi um støðuna.
Vitnir upplýsa yvirfyri Reuters, at spreingingar eru at hoyra yvir høvuðsstaðnum í Katar, Doha.
Seinnapartin í dag er loftrúmið yvir Katar stongt, og uttanríkisráðið í landinum sigur, at orsøkin er støðan í økinum.
Amerikanska flogstøðin Al Udeid liggur stutt uttanfyri høvuðsstaðin, Doha, og hetta er størsta amerikanska herstøð í Miðeystri.
Á støðini starvast umleið 10.000 fólk.
- Hetta er ein leiðandi støð hjá USA, sum leiðir hernaðaruppgávur - heilt úr Egyptalandi til Kasakhstan, veit Reuters at siga.
Lesið eisini - https://www.in.fo/news-detail/eyka-trygdartiltoek-a-amerikanskum-herstoedum-i-irak
