Inntøkutrygdin hjá fiskimonnum fer upp í mai. Tað skrivar Føroya Fiskimannafelag á síni heimasíðu.
Lagt verður aftrat, at inntøkutrygdin eftir ætlan skuldi hækka hin 1. apríl, men Fiskimálaráðið hevur boðað frá, at tey ikki klára at seta kunngerðina í verk í apríl.
- Mett verður, at broytingarnar fáa virknað frá 1. mai, sigur Fiskimálaráðið.
Við hækkingini fer gjaldið, sum fiskimenn fáa um dagin í inntøkutrygd, upp í 833 krónur um dagin.
- Vit hava lagt nógva orku í at fáa gjaldið uppeftir, og vit meta, at hetta er eitt stig tann rætta vegin.
Tað sigur Føroya Fiskimannafelag á síni heimasíðu.
Lagt verður aftrat, at skal gjaldið gerast nøktandi fyri fiskimenn, má tað longur upp.
- Tí verður farið í gongd við næsta stigið beinanvegin, sum er at fáa hækkað inntøkutrygdina enn meiri, sigur felagið.
