Ingolf S. Olsen reyk út úr Løgtinginum

Ingolf Sólheim Olsen missir nú sæti á tingi, sum hann hevur havt, síðani Magni Arge tók við fólkatingssessinum í fjør summar.

Tað ger hann, tí at Tórbjørn Jacobsen fer at røkja fólkatingsstarvið, hóast hann er borgarstjóri í Runavíkar kommunu.

Tjóðveldi kunngjørdi fyri fólkatingsvalið seinast, at tann, sum tók sæti vegna Tjóðveldi, skuldi ikki sita í øðrum politiskum starvi.

Tórbjørn Jacobsen sigur, at Tjóðveldi hevur einki við borgarstjórasessin í Runavíkar kommunu at gera. Hann er valdur á einum borgaralista.

Býtið av persónligu atkvøðunum hjá Tjóðveldi til løgtingsvalið var hetta:

Av tí at Høgni Hoydal, Sirið Stenberg, Kristina Háfoss hava farloyvi, meðan tey eru í landsstýrinum, og av tí at Magni Arge hevði farloyvi, meðan hann var í Fólkatinginum, vóru boð eftir fýra varafólkum hjá Tjóðveldi. Ingolf S. Olsen er fjórða varafólk. Tí verður tað hann, sum má út í kuldan, so leingi Magni Arge hevur sæti á tingi.

Býtið av persónligu atkvøðunum á fólktingsvalinum hjá Tjóðveldi var hetta:

Høgni Hoydal, Magni Arge, Kristina Háfoss, Sirið Stenberg og Annita á Fríðriksmørk hava nú øll farloyvi frá Fólkatinginum.