Ógvusligt illveður við meldurhvirlum hevur herjað har norðuri í Argentina og har suðuri í Brasil, og 14 fólk eru deyð.
Argentinsku myndugleikarnir siga, at illveðrið hevur gjørt serliga stóran skaða í nøkrum smáum býum har norðuri í landinum. Fleiri hús og ein heilsumiðstøð vórðu tikin av grundini, verður sagt.
Illveðrið hevði nógv avfall við sær, og tað elvdi til skriðulop í brasilska stórbýnum Sao Paolo.
Í Brasil leita bjargingarlið eftir tveimum børnum, sum hvurvu, tá ein skúli hoyknaði undan tí nógva avfallinum.
