Í kvøld verða fyrstu 1/8 finalurnar í Champions League endaspælinum. Stóri dysturin er í París, har Paris Saint Germain tekur ímóti Real Madrid. Hin dysturin í dag er millum Sporting Lisbon og Manchester City.
Eftir ein steðg síðani desember í fjør, so rullar Champions League bólturin aftur. Tað verða tvær fyrru 1/8 finalur í dag, tvær í morgin, og so fýra í komandi viku. Á pappírinum er størsta uppgerðini helst millum PSG og Real Madrid. Tað er Lionel Messi móti fyrrverandi arvafíggindanum.
Tað telur upp fyri heimaliðið, at júst Lionel Messi tykist at finna formin, eftir ein vánaliga byrjan upp á yrkisleiðina í París. Kylian Mbappé hevur verið stóra stjørna, men søgurnar senda hann til júst Real Madrid komandi kappingarár.
Neymar hevur verið skaddur í eina tíð, men hann venur aftur. Tað er ivasamt, um hann byrjar inni. Ein, sum ikki verður við, er Sergio Ramos. Fyrrverandi liðskiparin hjá Real Madrid skifti í summar til PSG, men hevur verið skaddur meginpartin av tíðini.
Fyri gestirnar er endaspælið í Champions League ikki nakað nýtt. Real Madrid hevur vunnið kappingina heilar 13 ferðir. Ivamálið er stjørnuáleyparin Karim Benzema. Søgan sigur, at hann vil spæla, men at tað er óvist um tað er tað besta fyri skaða hjá honum.
Í Portugal er Manchester City stórfavorittur at vinna samanlagt. Teir eru eisini favorittar at vinna í kvøld, og upp aftur størri favorittar at vinna samanlagt. Báðir dystir byrjar klokkan 20.
Champions League 1/8:
15. feburar:
PSG – Real Madrid (20.00)
Sporting – Manchester City (20.00)
16. feburar:
Red Bull Salzburg – Bayern Munchen (20.00)
Inter Milan – Liverpool (20.00)
22. feburar:
Chelsea – Lille (20.00)
Villarreal – Juventus (20.00)
23. feburar:
Atletico Madrid – Manchester United (20.00)
Benfica – Ajax (20.00)
