Undan EM-undankappingardystinum móti Ukraina ígjár høvdu Føroyar ein leiklut vit ikki havt havt áður í einum EM-undankappingardysti. Vit vóru favorittar hjá veddingarfyritøkunum til at vinna dystin.
Landsliðsvenjarin, Peter Bredsdorff-Larsen staðfesti eisini í samrøðum við ymiskar føroyskar miðlar, at tað var ein óvandur leiklutur hjá føroyska manslandsliðnum í hondbólti.
Í seinasta EM-undankappingardystinum móti greiðu bólkavinnarunum, Eysturríki í Bregenz komandi sunnudag klokkan 17 fara Føroyar tó aftur í vanda leiklutin sum "Underdog" hjá veddingarfyritøkunum.
Tað vísa oddsini hjá átta altjóða veddingarfyritøkum, ið lata odds upp á dystin millum Eysturríki og Føroyar. MIðaloddsini upp á eysturríkskan sigur eru 1,41. Tað er tó lægri enn miðaloddsini vóru upp á eysturríkskan sigur í høllini á Hálsi 16. oktober í fjør. Tà vóru miðaloddsini upp á eysturríkskan sigur 1,33.
Miðaloddsini upp á føroyskan sigur í Bregenz eru 3,68. Tað er lægri enn miðaloddsini vóru tá vit møttu Eysturríki í høllini á Hálsi 16. oktober í fjør. Tá vóru miðaloddsini upp á føroyskan sigur 4,18.
Her eru oddsini:
##med2##
Her eru úrslitini higartil hjá Eysturríki og Føroyum (við oddsum):
##med3##
