Í morgun boðaðu hvalbingar sýslumanninum í Suðuroy frá, at einir 15 hvalir vóru komnir heilt inn á fjørðin.
Teir vóru komnir heilt inn til grótkastið á havnarlagnum.
- Eftir at hava kannað málið, varð staðfest, at talan var um ein bólk av hvessingum og avgerð varð tikin um at reka teir út aftur, sigur Jaspur Vang, sýslumaður.
Hann sigur, at fyri fjúrtan døgum síðani komu eisini nakrir rissospringarar inn á fjørðin, men eisini teir vórðu riknir út aftur.
