Marvin Pourie gjørdist tvífaldur málskjútti í fyrra hálvleiki, áðrenn Christian Lamhauge Holst við einum frálíkum máli sló sigurin fastan í seinna hálvleiki og skoraði til endaliga úrslitið, 3-0 til Silkeborg. Christian spældi gott samanspæl við tvífalda málskjúttan, áðrenn hann setti tveir verjuleikarar av og yvirlegið lyfti bóltin upp um málverjan.
Við sigrinum tryggjaði Silkeborg sær fimta plássið í Superliguni, men nú seks umfør eru eftir at leika, tykist 4. plássið og plássið um Europa League at hvørva. FC Midtjylland vann nevniliga sín dyst 2-0 ímóti Brøndby og er á 4. plássi sjey stig frammanfyri Christian og teir úr Silkeborg.
