Landsliðsleikararnir, Pauli Jacobsen, Rói Berg Hansen og liðfelagarnir í HØJ tóku í dag ímóti einum øðrum uppflytingarkandidati í heimadysti í næstbestu donsku hondbóltsdeildini.
Úrslitið av dystinum var, at vitjandi liðið, Midtjylland vann dystin 27-23. Í steðginum var Midtjylland á odda 14-10.
Úrslitið merkir, at HØJ datt niður á fjórða plássið í deildini. HØJ hevur 14 stig fyri 10 dystir.
Rói skoraði eitt mál. Bjargingarprosentini hjá Paula eru ikki tøk.
Liðið sum endar ovast flytur beinleiðis upp í bestu deildina, meðan liðini sum enda nummar tvey og trý spæla Play Off dystir um uppflyting.
Midtjylland hevur 16 stig á triðja plássinum.
Sunnudagin 19. november spælir HØJ móti Tønder á útivølli.
