Reinsaríið letur dyrnar upp til seinastu konsertina í 2014 leygarkvøldið 27. desember kl.21. Konsertin verður við Høgna Reistrup. Við sær á palli hevur hann Høgna Lisberg og Pætur Zachariasson.
Á skránni verða løg av nýggju útgávuni Áðrenn vit hvörva, sum er umtalað við nógvum rósandi orðum.
Áðrenn vit hvörva varð givin út í Týsklandi fyri einum mánaði síðani. Har hevur hon fingið góða umrøðu og verið nógv at hoyrt í týskum útvarpsstøðum.
Soleiðis skrivar Tónleikasamtakið Grót um nýggju útgávuna:
- Áðrenn vit hvörva er eitt so framúr gott tónleikaverk. Telist uttan iva ímillum bestu føroysku tónleikaútgávur nakrantíð. Í samstarvi við Janus Rasmussen og Ólav Jákupsson, ið hava framleitt útgávuna, hevur Høgni Reistrup megnað at skapt ein tónlistarligan varða í føroyskari tónleikasøgu.
Konsertin verður í Reinsarínum 27. desember kl. 21.00.
