Fyrr í hesum mánaðinum gjørdist greitt, at Newcastle skuldi hava nýggjan venjara. Fyrrverandi venjarin, Alan Pardew, skifti venjarastarvið í Newcastle út við tað hjá Crystal Palace.
Síðani tá hevur hjálparvenjarin hjá Alan Pardew í Newcastle, John Carver, staðið á odda fyri liðnum. Og nú er greitt, at John Carver verður høvuðsvenjari í Newcastle fram til summarsteðgin.
John Carver hevur higartil staðið á odda fyri Newcastle í fýra dystum. Tríggir av teimum eru taptir, meðan Newcastle tann eina dystin hevur spælt javnt.
