Eftir nøkur ár í næstbestu deildini, er felagsliðið úr sunnaru hálvu av Suðuroynni nú aftur í Effo-deildini.
Venjari hjá FC Suðuroy hetta kappingarárið er Jón Pauli Olsen. Og nú er navn sett á mannin, sum skal vera hjálparvenjari hjá Jón Paula hetta kappingarárið.
Tað er fyrrverandi TB og VB leikarin, Tórður Wiberg Holm, ið verður hjálparvenjari hjá FC Suðuroy í 2015.
Tað boðar FC Suðuroy frá á facebook bólkinum hjá felagnum.
45 ára gamli Tórður Wiberg Holm var í ár 2000 við til at vinna FM heitið við VB.
