Niðurstøðan hjá Løgdeildini í Tinganesi um handfaringina hjá Helenu Dam á Neystabø er so mikið tyngjandi, at hon hevur valt at siga seg úr landsstýrissessinum.
Tað skilst, at kanningin beinleiðis staðfestir, at Helena Dam á Neystabø handlaði uttan lógarheimild, tá hon fyri góðum ári síðani hækkaði fólkapensjónina við eini undantaksreglu sum grundarlag.
Sjálvstýrisflokkurin fer seinni í dag at halda tíðindafund um málið.
Løgmaður fer hvørja løtu at boða løgtinginum frá, at Helena Dam á Neystabø hevur sagt seg úr landsstýrissessinum.
Tað er enn ikki greitt, um Sjálvstýrisflokkurin fer úr samgonguni ella nýggjur landsstýrismaður verður valdur.
