Heindrikur prinsur vildi fegin verið við konu sínu í Føroyum í hesum døgum, tí honum dámar so væl Føroyar og føroyingar.
Tað segði Henrikur prinsur við danska blaðið BT, sum hevði hitt hann á slotti hansara norðanfyri Toulouse í Frankaríki, Château de Cayx, har hann helt sín 82 ára føðingardag.
Har dámar hon væl at vera, og har helt hann eisini áttati ára dagin fyri tveimum árum síðani saman við sínum nærmastu – konuni, synunum, verdøtrum og teimum átta abbabørnunum.
Hesaferð var tó eingin at ynska fransanum »bon anniversaire«. Hann helt tí dagin einsamallur, meðan drotningin er á veg til Føroya.
– Eg sakni tað at vera í Føroyum, har Dannebrog er á almennari vitjan, tí mær dámar væl Føroyar, og mær dámar væl føroyingar... Men teir vita, at eg kann hvíla meg her á Cayx í nakrar vikur púra einsamallur og burtur frá øllum, segði Heindrikur prinsur við danska blaðið í gjár.
