Tróndur í Gøtu og Jupiter, sum fiska svartkjaft, fóru at sigla av fiskileið og móti Fuglafirði mánadagin.
Skipini hava fiskað í altjóða sjógvi vestur úr Írlandi - ella á umleið 55N og 15V.
Bæði Tróndur í Gøtu og Jupiter hava fulla last. Tróndur í Gøtu var inni fyrr í vikuni og fekk væntandi landingartørn á Havsbrún í dag.
Jupiter var væntandi inni í dag og sleppur helst framat at landa um middagsleitið í morgin.
Tað tekur umleið eitt samdøgur at landa hvørt av skipunum.
Finnur Fríði kom eisini á Fuglafjørð fyrst í hesi vikuni og bíðar eisini eftir landingartørni.
Teir hava roynt eftir svartkjafti í altjóða sjógvi vestur úr Írlandi - á uml. 55N og 15V, og fiskiskapurin á leiðini hevur verið góður.
Myndin av Finni Fríða er tikin, tá skipið fullfermt legði til bryggju í Fuglafirði.
