Tað var ein søgulig løta, tá Jógvan Skorheim, borgarstjóri í Klaksvíkar kommuna, og Magni Garðalíð, borgarstjóri í Húsa kommunu, fyri løtu síðani undirskrivaðu sáttmálan, ið endaliga staðfestur samanleggingina av Húsar og Klaksvíkar kommunu.
Fitt av fólki var samlað saman í skúlanum í Húsum, tá sáttmálin varð undirskrivaður, harímillum Sirið Stenberg, landsstýriskvinna í Innlendis- og Heilsumálaráðnum, ið skal góðkenna sáttmálan.
Aftaná at sáttmálin varð undirskrivaður, varð ein pláta avdúkað á húsavegginum í skúlanum, ið staðfestir, at tað er á hesum stað, at søguligi avtalan varð undirskrivað.
Nú verður farið oman í bygdahúsið, har døgurði og røður verða á skránni. Millum teirra, ið skulu flyta fram røður er Jógvan Skorheim, Magni Garðalíð og Sirið Stenberg.
