Tórshavnar kommuna dagførir nú pumpuskipanina á Kongabrúnni, fyri at tryggja, at Eystara vág framhaldandi verður rein.
Meðan hetta arbeiði verður gjørt, vera parkeringsbásarnir á Kongabrúnni avsperraðir.
Tórshavnar kommuna sigur, at verandi pumpubrunnar eru frá áttatiárunum, og at pumpurnar eru gamlar og slitnar.
Arbeiðið byrjaði í dag og væntast at vara í sjey vikur. Tað er Maskinkoyring Entreprenørar v/ Karl Patursson, sum ger arbeiðið.
