<B style="mso-bidi-font-weight: normal"$?$end$!$
Sambært svenska bookingfelagnum EMA Telstar spælir Guns N Roses á ársins Roskilde Festivali. Hetta er ein av trimum spælingum í Norðurlondum, hinar spælingarnar eru tó ikki á nøkrum av føroysku festivalunum, men í Globen í Stockholm 26. juni og á Hartwall Areena í Helsinki 5. juli.
Gaffa.dk hevur havt samband við bookingfelagið, og hevur fingið váttað, at 29. juni spæla Axl Rose og hansara nýggja Guns N Roses á appilsingula pallinum á Roskilde Festivalinum. Um konsertin verður veruleiki, so er hetta fystu ferð í 13 ár, at Guns N Roses spæla í Danmark. Bólkurin er eisini á skránni á fleiri øðrum evropeiskum festivalum.
Enn er eingin dagfesting almannakunngjørd fyri nýggju fløguna Chinese Democracy, ið verður fyrsta fløga við nýskrivaðum tónleiki hjá Guns N Roses í 15 ár. Axl Rose hevur tó sagt frá, at fløgan kemur út í ár, tað segði hann eisini í fjør og fyrra árið og árið fyri tað.
Tó er tað, eitt sindur meira sannlíkt hesuferð, eftirsum løg eru byrja at verða likin út á alnetið. Fyribils eru 4 løg at finna á ymiskum heimasíðum. Løgini IRS, Better, There was a time og The Blues koma fram av og á og liggja frammi, inntil plátufelagið hjá Guns N Roses stongir heimasíðirnar.
