Um vikuskiftið hevur 29. umfar í Premier League verið. Í toppinum er næstan áfast millum Manchester City og Liverpool, eftir at Manchester City bara fekk málleysan javnleik móti Crystal Palace, meða Liverpool vann á Brighton.
Við sigri á Brighton tíðliga seinnapartin leygardagin, var eitt ávíst trýst á Manchester City móti Crystal Palace. Hóast gestirnir høvdu bóltin nógv, so mundu heimmenninir eisini sita við eini kenslu av, at ein annan dag, so kundu teir havt vunnið.
Eftir dystin var venjarin hjá Manchester City, Pep Guardiola, ikki í góðum lag. Í samrøðu eftir dystin helt hann fyri, at tað bara vóru teir, ið royndu at vinna dystin á vánaliga grasinum. Hetta uppískoytið við grasinum er ikki farið framvið uttan undran í fótbóltsheiminum.
Tað eru nú fýra stig á muni millum Manchester City og Liverpool, sum skal spæla móti Arsenal í annaðkvøld. 10. apríl møtast Manchester City og Liverpool í einum dysti, sum kann fáa avgerandi týdning fyri hvør vinnur Premier League.
| 1 | Man City | 29 | 22 | 4 | 3 | 68:18 | 70 |
| 2 | Liverpool | 28 | 20 | 6 | 2 | 73:20 | 66 |
| 3 | Chelsea | 28 | 17 | 8 | 3 | 57:19 | 59 |
| 4 | Arsenal | 26 | 16 | 3 | 7 | 43:29 | 51 |
| 5 | Man Utd | 29 | 14 | 8 | 7 | 48:40 | 50 |
| 6 | West Ham | 29 | 14 | 6 | 9 | 48:36 | 48 |
| 7 | Wolves | 29 | 14 | 4 | 11 | 29:23 | 46 |
| 8 | Tottenham | 27 | 14 | 3 | 10 | 42:35 | 45 |
| 9 | Aston Villa | 28 | 11 | 3 | 14 | 41:39 | 36 |
| 10 | Southampton | 29 | 8 | 11 | 10 | 36:45 | 35 |
| 11 | Crystal Palace | 29 | 7 | 13 | 9 | 39:38 | 34 |
| 12 | Leicester | 26 | 9 | 6 | 11 | 40:45 | 33 |
| 13 | Brighton | 28 | 7 | 12 | 9 | 26:34 | 33 |
| 14 | Newcastle | 28 | 7 | 10 | 11 | 32:48 | 31 |
| 15 | Brentford | 29 | 8 | 6 | 15 | 32:45 | 30 |
| 16 | Leeds | 29 | 6 | 8 | 15 | 31:65 | 26 |
| 17 | Everton | 26 | 6 | 4 | 16 | 28:47 | 22 |
| 18 | Watford | 29 | 6 | 4 | 19 | 29:55 | 22 |
| 19 | Burnley | 27 | 3 | 12 | 12 | 22:38 | 21 |
| 20 | Norwich City | 29 | 4 | 5 | 20 | 18:63 | 17 |
