Alan Greenspan, fyrrverandi tjóðbankastjóri í USA, væntar ongan bata í amerikonsku búskaparkreppuni enn Fyrrverandi amerikanski tjóðbankastjórin Alan Greenspan sigur, at altjóða fíggjarkreppan er ikki av enn, og at teir størstu bankarnir í USA mugu bøta gjaldførið munandi, áðrenn nakar bati kemur. Greenspan sigur eisini, at batin kemur ikki, fyrr enn javnvág er komin í amerikanska húsamarknaðin.
Orðini hjá Greenspan samsvara ikki rættiliga við tað, sum fleiri embætismenn í amerikonsku stjórnini hava sagt í seinastuni, tí sambært teimum er USA á rættari leið búskaparliga.
Hinvegin samsvara orð hansara væl við tað, sum fyrrverandi embætismenn í tjóðbankanum hava sagt, skrivar AP.
